सहारा क्लवले बसपार्कमा रहेको खाल्टा खुल्टी पुर्यो

दिननाथ बराल

पोखरा ८, भदौ

पोखराको सहारा क्लवले पोखराको अव्यवस्थित पुरानो बसपार्कमा रहेको खाल्टा खुल्टी पुरेको छ । २०५५ सालमा स्थापना भएको क्लवले पोखरा उप महानगरपालिका वडा नं. ९, अवस्थित अव्यवस्थित पुरानो बसपार्कलाई मर्मत सम्भार, फोहर मैला व्यवस्थापन, ट्रयाकको व्यवस्थापन एवं विजुली बक्ति जडान गर्दै आई रहेको छ ।

हाल बसपार्कमा पर्न गएको ठुला ठुला खाडलबाट यात्रुहरुलाई असुविधा हुदा भएकोले यउस प्रति कसैको ध्यान नपुगेका कारणले आफुहरुले उक्त खाल्टा खुल्टी पुरेको सहारा क्लवका अध्यक्ष विरभद्र आचार्यले बताए ।  उनका अनुसार खाडल पुर्नको लागि करिब १ लाख ९० हजार खर्च भएको छ । केहि समय अघि ३८ हजारको ग्रावेल राखिएको थियो भने पछिल्लो क्रममा ठुलो टिप्परको २५ टिप ग्रावेल राखिएको क्लवले जनाएको छ ।

वि. सं. २०३३ देखी बसपार्क बनाउनको लागि जग्गा अधिकरण गरि राखिएता पनि राज्यको प्राथामिकतामा पर्न नसकेकोमा अध्यक्ष आचार्यले गुनासो गरे । उनले भने “बसपार्क निमार्णमा सरकारी निकायको हालसम्म कसैको ध्यान पुगेको छैन, पोखरा बाहिर कुनै पनि ठाँउमा जादा पोखरा बसपार्क कस्तो छ भनी प्रश्न सोध्ने गरेकोले हामीलाई निकै नराम्रो लागेको छ ।” अव्यवस्थित बसपार्कलाई यथाशिध्र निर्माण गर्नको लागि सम्वधित सबैमा छिटो पहल गर्न उनले आग्रह गरे ।

सम्बन्धित न्यूज

Leave a Reply

Your email address will not be published. Required fields are marked *

Back to top button