पोखरा, २७ भदौँ
पोखरामा आज (आईतबार) भएको सवारी दुर्घटना परी एक युवतीको मृत्यु भएको छ ।
पोखराको अमसरसिंहचोकमा भएको सवारी दुर्घटनाबाट पोखरा सिमलचौरकी २३ वर्षिया जमुना पहारी अर्यालको मृत्यु भएको प्रहरीले जनाएको छ ।
लेखनाथबाट पोखरा आउदै गरेको ग १० प ७४४ नम्बरको स्कुटरलाई सोही दिशाबाट आउँदै गरेको ना ५ ख ३४० नम्बरको माइक्रोबसले पछाडिबाट ठक्कर दिदाँ अर्यालको मृत्यु भएको स्थानीयले जनाएका छन ।
स्कुटरमा पछाडि बस्ने २० बर्षीया एलीसा बराल सामान्य घाइते भएकी छिन् । मृतकको शव पोष्टमार्टमको लागि पश्चिमाञ्चल क्षेत्रिय अस्पतालमा राखिएको छ । बस चालक लेखनाथका २४ वर्षीय मिनबहादुर सुनार जिल्ला प्रहरी कार्यालय कास्कीको नियन्त्रणमा रहेको छ ।
