एलआइसी नेपालद्धारा दाबी रकम भुक्तानी हस्तान्तरण

पोखरा १८, मंसिर-
लाईफ इन्स्योरेन्स कर्पोरेशन (नेपाल ) लिमिटेडले विमाको दाबी रकम भुक्तानी गरेको छ । पोखरा शाखाबाट विमा गरेका आर्वाविजय गाविसका निरज बरालको मुत्यु दाबी रकमको भुक्तानी एक समारोहका विच सुक्रबार पोखरामा हस्तान्तरण गरीएको हो ।

केहि दिन अघि उनको पोखरा मालेपाटनमा मृत्यु भएकोले एलआईसीले ४ लाख ७० हजार २ सय रुपैयाको चेक मृतकका श्रीमती मनकुमारी देवकोटालाई कम्पनीका प्रमुख कार्यकारी अधिकृत (सीइओ) प्रमोदरन्जन मिश्र, महाप्रवन्धक (डीजीएम) अविजीत घोसले, पोखरा शाखाका प्रवन्धक सोन आले मगरले हस्तान्तरण गरेका हुन ।

दुई लाखको विमा गरेका मृतक बरालले तीन किस्तामा करीब ३७ हजार बुझाएको कम्पनीले जनाएको छ । मृतक बरालको परिवारलाई दुर्घटना विमा, उनले तिरेको रकमको वोनश सहितको उक्त रकम कम्पनीले प्रदान गरेको हो ।

यसै बिच एलआईसी नेपालले सुक्रबार पोखरा क्षेत्रका केहि अभिकर्तालाई विमाश्री अवार्डबाट सम्मान गरेको छ । कम्पनीले दिएको लक्ष्य पुरा गरेका १ सय २ जना अभिकर्तालाई बिमाश्रीबाट सम्मान गरीएको हो । साथै कम्पनीले सुक्रबार नै विमा सम्बन्धि प्रशिक्षण कार्यक्रम समेत आयोजना गरेको थियो । कम्पनीका सीइओ मिश्र, डीजीएम घोस, पोखरा शाखाका प्रवन्धक आले मगरले विमा सम्बन्धि सहजीकरण गरेका थिए । कार्यक्रममा एलआइसी एजेन्स म्यानेजर केदारनाथ अधिकारी, पेशागत विमा अधिकर्ता संघ उपशाखा अध्यक्ष रुकबहादुर गुरुङ, अभिकर्ता मिना गुरुङ र लालकुमार अधिकारीले पनि वोलेका थिए ।