श्रीमद्भागवत माघे संक्रान्ति महाउत्सवको तयारी पुरा

पोखरा, २५ पौष –

राष्ट्रिय परोपकार महासंघ नेपाल केन्द्रिय कार्यसमितिले आयोजना गर्न लागेको श्रीमद्भागवत माघे संक्रान्ति महाउत्सव २०७२को तैयारी पुरा भएको छ ।

सेवा नै धर्म हो भन्ने मुल नाराका साथ स्थापना भएको परोपकार महासंघले आफ्नो आठौ वार्षिकउत्सव तथा माघेसक्रान्तिका अवसरमा उक्त महाउत्सव कार्यक्रम आयोजना गर्न लागेको हो ।

महासंघका संस्थापक युवा पं कमलनयन गौतमले उक्त कार्यक्रमको सम्पुर्ण तैयारी पुरा भएको भन्दै सम्पुर्ण भक्तजनहरुलाई महायज्ञमा उपस्थित हुनका लागि अनुरोध गरेका छन् ।यहि पुस २६ गतेदेखी मघ ४ गते सम्म सञ्चालन हुने महाउत्सव कार्यक्रम पोखरा १५ ढुंगेसाँघु महासंघको भवन प्राङ्गणमा हुने छ । २६ गते विहान यज्ञ पुर्वाङ र शोभायात्रा हुने तथा दिउसो कार्यक्रमको उद्घाटन हुने छ । प्रमुख कथावाचक भागवत भास्कर कमलनयन गौतम हुने उक्त कार्यक्रममा दिउसो ४ वजेसम्म कथावाचन, ४ बजे आरती हुने छ भने ३ गते दीप प्रज्ज्वलन तथा ४ गते समापन हुने छ । संस्थाले परोपकार बालगृह आश्रम, सिद्ध परोपकार वैदिक गुरुकुल आश्रम, परोपकार त्रेमासिक पत्रिका, जेष्ठ नागरिक परोपकार चौतारी, गौरक्षा, वातावरण हिमालय एवं दैनिक एक रुपया दाल लगायतका अभियानहरु संचालन गर्दै आएको छ ।