तनहुँ, २६ पौष –
शुक्लागण्डकी, ३ का युवा व्यवसायी सन्तोष श्रेष्ठले जाडोको कारण विद्यार्थिहरु विद्यालय जान नसक्ने अवस्था आए पछि उनीहरुलाई स्विटर सहयोग स्वरुप प्रदान गरेका छन् ।
सामजिक सन्जालहरु मार्फत शुक्लागण्डकी १३ स्थित कालिका निमावि विद्यालयका विद्यार्थिहरुलाई विद्यालयमा अनुपस्थित हुने अवस्था आएको समाचार प्रकाशमा आएपछि उनले विद्यालयका अति विपन्न वर्गका ४३ विद्यार्थिहरुलाई स्विटर प्रदान गरेका छन् । त्यसै गरी शुक्लागण्डकी १७ स्थित श्री तालबेसी उच्च माध्यमिक विद्यालयका विद्यार्थिहरुलाई पनि ६६ थान स्विटर प्रदान गरेका छन् ।
विद्यार्थिहरुको पठनपाठनमा असर नपुगोस् र शिक्षाबाट बन्चित हुने अवस्था नआओस् भन्ने हेतुले आफुले सहयोग गरेको बताएका छन् । श्रेष्ठले यस अघिपनि स्थानीय क्षेत्रका विद्यालयहरुको शिक्षाको गुणस्तरमा टेवा पुगोस् भन्ने हेतुले विभिन्न शिक्षण सामग्रि, खानेपानी ट्यांकी लगायतका सहयोगहरु प्रदान गर्दै आएका छन् । केही समय अघि पनि उनले पन्चमुनिदेव उच्च माविलाई २ थान कम्पूटर सहयोग स्वरुप प्रदान गरेका थिए ।
