पत्रकारका लागि विभेदरहित र लैङ्गिक उत्तरदायी रिर्पोटिङ तालिम

पोखरा, ३० पौष –

विभेदरहित समाज निर्माणका लागि सञ्चारमाध्यमको भूमिका महत्वपूर्ण हुने एक कार्यक्रममा जोड दिइएको छ ।

मिडिया एड्भोकेसी ग्रुप र युएन वेमीनको संयुक्त आयोजनामा पोखरामा विहिवार आयोजित “पत्रकारका लागि विभेदरहित र लैङ्गिक उत्तरदायी रिर्पोटिङ” तालिममा सो कुरामा जोड दिइएको हो । सहभागिहरुले विभिन्न माध्यमबाट लैङ्गिक उत्तरदायी रिर्पोटिङ गर्न सकिने बताउदै सुक्ष्म अध्ययन गरेर मात्र यस्ता समाचारलाई प्रसारण वा प्रकासन गर्नुपर्नेमा जोड दिएका थिए ।

पछिल्लो क्रममा नकरात्मक कुराले मात्र बढि प्राथमिकता पाइरहेको बताउदै सकारात्मक कुरालाई पनि स्थान दिएमा धेरैलाई प्रेरणा हुन सक्ने बताए । तालिममा मानवअधिकार पत्रकारिता : सिद्धान्त र व्यवहार, लैङ्गिक समानता, सकारात्मक समाचारका प्रभाव लगायतका विषयमा सहजिकरण गरिएको थियो ।

गण्डकी र धवलागिरीका ३५ जना पत्रकारहरुको सहभागिता रहेको थियो । तालिममा मिडिया एक्सन नेपालका लक्ष्मण दत्त पन्त र मिडिया एड्भोकेसी ग्रुपका अध्यक्ष बविता बस्नेतले सहजिकरण गर्नुभएको थियो ।

सम्बन्धित न्यूज

Leave a Reply

Your email address will not be published. Required fields are marked *

Back to top button