सामुदायीक सेवाको ट्राफिक जनचेतना कार्यक्रम सम्पन्न

पोखरा, ११ माघ –

सामुदायीक सेवा केन्द्र तथा सामुदायीक प्रहरी सेवा केन्द्र पोखरा–१, वगरको आयोजनामा सोमवार कसमस कलेजका विद्यार्थीहरुलाई ट्राफिक जनचेतना अभिवृद्धि कार्यक्रम सम्पन्न भएको छ ।

सो अवसरमा बोल्दै सामुदायीक सेवा केन्द्र तथा सामुदायीक प्रहरी सेवा केन्द्र पोखरा–१, का संस्थापक अध्यक्ष सीता गुरुङले युवायुवतीहरुमाझ यस प्रकारको ट्राफिक सचेतना कार्यक्रमले सडक दुर्घटना न्यूनिकरणमा सघाउने बताउनुभयो । कसमस कलेजका व्यवस्थापक तेज गुरुङले विद्यार्थीले सिकेका कुरा घरपरिवारमा गएर जानकारी गराउन आग्रह गर्नुभयो । सामुदायीक सेवा केन्द्र तथा सामुदायीक प्रहरी सेवा केन्द्र पोखरा–१, का सचिव एवम् कार्यक्रम संयोजक गिरीप्रसाद गुरुङले संस्थाको गतिविधि र विद्यार्थीहरु जनीया पुन र वर्षात पराजुलीले कार्यक्रम सञ्चालन गर्नुभएको थियो ।

कार्यक्रममा जिल्ला ट्राफिक कार्यालय कास्कीका ट्राफिक सहायक निरिक्षक राजेन्द्र कार्कीले सडक दुर्घटना, सुरक्षा, नियम लगायतका विषयमा सहजिकरण गर्नुभएको थियो । उच्च माविमा अध्ययनरत १ सय ३० जना छात्र छात्रा को कार्यक्रममा सहभागिता रहेको थियो ।