बेमौसमी तरकारी उत्पादन सम्वन्धि तालिम सम्पन्न

पोखरा, २२ चैत्र –

पोखराका तिनवटा वडामा बेमौसमी तरकारी उत्पादन सम्वन्धि तालिम सम्पन्न भएको छ ।

पोखराको वडा नं. १६, १९ र २८ लाई कार्यक्षेत्र बनाएको धवलागिरी बेमौसमी तरकारी उत्पादन समुहको आयोजना तथा धवलागिरी प्राविधिक शिक्षालय लेते मुस्ताङ्गको सहयोगमा सञ्चालित ३ महिने तालिममा तरकारी उत्पादन तथा व्यवस्थापन विषयमा तालिम दिइएको थियो ।

तालिम समापनका अवसरमा सहभागी २० जना प्रशिक्षार्थीलाई सांसद कुमार खड्काले पमात्रपत्र वितरण गरेका थिए । कार्यक्रममा खड्काले देशको अर्थतन्त्र उकास्न कृषि क्षेत्रको महत्वपूर्ण भुमिका रहेको बताउनुभयो । उहाँले तालिममा सिकेका कुरालाई व्यावहारमा उर्तादै बेमौसमी तरकारी मार्फत आय आर्जन गर्न सुझाव दिनुभयो ।

समुहका अध्यक्ष अनिता पौडेलको अध्यक्षतामा भएको कार्यक्रममा प्रशिक्षक दुर्गाबहादुर गुरुङ्ग, नविना हमाल, राजन नेपाली लगायतले बोलेका थिए ।

तरकारी उत्पादनका लागी पोखरा उपमहानगरपालिकाले १ लाख ५५ हजार रुपैया सहयोग प्रदान गरेको छ ।