ढाका मोहन बराल ( गणेश )
पोखरा, २८ चैत-
खेलकुदको राजधानि मानिने पोखरामा मंगलबार देखि आगामी वैशाख ११ गतेसम्म संचालन हुन लागेको अन्र्तराष्ट्रिय फुटवल प्रतियोगिता ‘ मनकामना केबलकार पोखरा कप २०७२’ को तयारी पुरा भएको छ ।
प्रतियोगितामा एक विदेशी टिम समेत गरी जम्मा १२ टिमको सहभागिता रहने आयोजक कास्की जिल्ला फुटवल संघका अध्यक्ष धरमबहादुर लामिछानेले आईतबार पोखरामा आयोजित पत्रकार सम्मेलनमा जानकारी गराए । भारतको दिल्ली एफ.सी., नेपालका प्रख्यात क्लवहरु मनाङ मस्र्याङदी क्लव, थ्री स्टार क्लव, सरस्वती क्लव, विभागिय टिम नेपाल पुलिस क्लव, नेपाल आर्मी र सशस्त्र प्रहरी वलको एपिएफ क्लव, मोफसलको चर्चीत क्लव रमपम झापा ११, रुपन्देहि ११, धरान फुटवल क्लव, सिमराको नवजनजागृती क्लव र आयोजक पोखरा ११ गरी १२ टिमको सहभागिता रहने भएको लामिछानेले बताए ।
प्रतियोगिता संयोजक मिलन गुरुङका अनुसार बिजेता टिमलाई ट्रफी सहित ५ लाख ५ हजार ५ सय ५५ रुपैयाँ र उपबिजेता टिमलाई ट्रफी सहित २ लाख ५५ हजार ५ सय ५५ रुपैयाँ प्रदान गरिने छ । एन्फा कास्कीले यसअघी बिजेतालाई ३ लाख ५५ हजार रुपैया प्रदान गर्दै आएको थियो भने यो वर्ष पुरस्कारको राशीमा १ लाख ५० हजार रुपैयाँ बृद्धि गरेको छ ।
प्रतियोगितामा सर्बोत्कृष्ट खेलाडी, उत्कृष्ट स्ट्राईकर, उत्कृष्ट फवार्ड, उत्कृष्ट डिफेन्डर, उत्कृष्ट गोलरक्षक र उत्कृष्ट प्रशिक्षकलाई जनहि १५÷१५ हजारका दरले नगदसहित ट्रफी प्रदान गरिने भएको छ भने उत्कृष्ट हुने खेलाडीलाई एक थान मोटरसार्ईकल प्रदान गरीने भएको छ ।
मुलुकमा देखा परेको संकटका कारण माघ महिनामा हुनु पर्ने प्रतियोगिता यस बर्ष वेमौसममा आएर भएपनि आफुहरुले संचालन गर्न लागेको अध्यक्ष लामिछानेले बताए । प्रतियोगिता संयोजक मिलन गुरुङले सागमा स्वर्ण पदक दिलाउने राष्ट्रिय चर्चीत खेलाडीहरुलाई पोखरा रंगशालाको मैदानमा उतार्न लागेको दाबी गरे ।
प्रतियोगिताको मुख्य प्रायोजकको रुपमा रहेको मनकामना केबुलकार दर्शन प्रालिले एन्फा कास्कीलाई प्रतियोगिताका अवसरमा हरेक बर्ष १० लाख रुपैया प्रदान गर्दै आएको छ । आई एम एस प्रालि सहप्रायोजक रहेको प्रतियोगितामा, लक्ष्मी बैंक लिमिटेड, नारायण थापा र रबिना थापा उपप्रयोजकमा रहेका छन । प्रतियोगिताको सहयोगीहरुमा राष्ट्रिय खेलकुद परिषद, अखिल नेपाल फुटवल संघ, पोखरा उपमहानगरपालीका, कास्की जिल्ला खेलकुद विकास समिति, एसओएस ग्रुप, पोखरा सिनेप्लेक्स आदि रहेका छन ।
प्रतियोगिताको उद्घाटन खेल चैत्र ३० गते मंगलबार सिमराको नवजनजागृती क्लव र सशस्त्र प्रहरी वलको एपिएफका बिच हुने भएको छ ।
