गुरुङ र लामा समुदायका ३ संस्था एकीकृत

पोखरा, २ जेठ –

गुरुङ र लामा समुदायका ३ संस्था एकीकृत भएका छन् । नेपाल गुरुङ लामा समूह, नेपाल गुरुङ लामा संघ र नेपाल युवक लामा संघ एकीकृत भएका हुन् ।

एकै खालको धर्म, संस्कृति, सम्प्रदाय भएको र आगामी दिनमा एकीकृत रुपमा काम गर्ने उद्देश्यले ३ संस्था मिली नेपाल गुरुङ लामा समूह, कास्की नामाकरण भएको समूहका संस्थापक अध्यक्ष पञ्चे लामाले जानकारी दिए ।

समूहको केन्द्रीय कार्यालयको आयोजनामा पोखराको रामघाटस्थित टाँसी छ्योलिङ गुम्बामा सम्पन्न प्रथम साधारणसभा तथा अधिवेसनले उक्त निर्णय गरेको उनले बताए ।

उक्त अधिवेसनले आगामी ५ वर्षका लागि पञ्चे लामा संस्थापक अध्यक्ष रहने गरी कार्यसमिति गठन गरेको छ ।

नेपाल गुरुङ लामा समूहले कास्कीसहित काठमडौ, म्याग्दी, गोरखा, लमजुङ, चितवन, तनहुँमा शाखा विस्तार गरेको छ ।