अन्तर मावी स्तरिय ह्याण्डबल प्रतियोगिता हुने

पोखरा, १२ जेठ –

कास्की जिल्ला विद्यालय ह्याण्डबल संघले अन्तराष्ट्रिय ओलोम्पिक दिवशका अवसरमा पोखरामा अन्तर मावी स्तरयि ह्याण्डबल प्रतियोगिता गर्ने भएको छ । संघका द्वितिय उपाध्यक्ष अशोक शाहीको अध्यक्षतामा बसेको संघको बैठकले प्रतियोगिता आयोजना गर्ने निर्णय गरेको हो ।

संघका सचिव खिम गुरुङ्गका अनुसार उक्त प्रतियोगिता नेपाल ह्याण्डवल संघको तत्वाधानमा २०७३ असार ७ देखि ९ गते सम्म पोखरा रंगशालामा हुनेछ । विजयी हुने विद्यालयलाई नगद पुरुस्कार सहित ट्रफी, पदक तथा प्रमाण पत्र समेत प्रदान गरिनेछ ।

नेपाल ओलोम्पिक कमिटीका सदस्य तथा नेपाल ह्यण्डवल संघका अध्यक्ष तेज गुरुङ्गले जुन २३ अर्थात असार ९ मा पर्ने ओलोम्पिक दिवशका दिन नेपाल ओलोम्पिक कमिटीको मातहातमा रहेका सम्पुर्ण खेल संघ हरुले विविध कार्यक्रम हरुको आयोजना गरि मनाउने बताउनुभयो ।