पोखरान्युजडटकम, २ असार –
वन्य जन्तु संरक्षण गर्ने उद्देश्यले आयोजना गरिएको पाँचौँ बृहत् विज्ञान तथा कला प्रदर्शनी आजदेखि सुरु भएको छ ।
बबरमहलस्थित नेपाल कला परिषद्मा शनिबारसम्म सञ्चालन हुने प्रदर्शनीमा ब्याट्रीबाट चल्ने डाइनोसर, बाघ, गोही र रेडपाण्डालगायतका जनावरका तस्बिर राखिएको छ ।
कैलाली जिल्लाको टीकापुर नगरपालिकामा स्थापना गर्न लागिएको ‘टीका साइन्स एन्ड आर्ट म्युजियम’ को प्रवद्र्धन गर्ने र विश्वबाट लोप हुने अवस्थामा रहेका जनावरको कृत्रिम आवाज निकाल्नेबारे विज्ञानका विद्यार्थीलाई जानकारी दिने उद्देश्यले पनि प्रदर्शनीको आयोजना गरिएको चित्रकार सुमन पौडेलले जानकारी दिनुभयो ।
प्रदर्शनीको सांसद गरिमा शाहले उद्घाटन गर्नुभयो । प्रदर्शनमा विभिन्न राजनीतिक दलका नेता, समाजसेवी र सर्वसाधारणको सहभागिता रहेको थियो । रासस
