संविधान लागू गर्न नयाँ १३८ ऐन बनाउन आवश्यक – मन्त्री खरेल

पोखरान्युजडटकम, ५ असार –

कानुनमन्त्री अग्नि खरेलले नयाँ संविधानलाई कार्यान्वयनमा ल्याउन हालै मन्त्रिपरिषद्द्वारा पारित कार्ययोजनाबारे आज बसेको व्यवस्थापिका–संसदको बैठकलाई जानकारी गराउनुभयो ।

उहाँले संविधान कार्यान्वयनका लागि ३१५ वटा ऐनमा संशोधन आवश्यक भएकामा १९३ वटाको संशोधन प्रस्ताव सदनमा प्रस्तुत गर्ने तयारी भइरहेको र अहिलेसम्म १४ विधेयक पारित भई लागू समेत भइसकेको बताउनुभयो । संविधान कार्यान्वयन गर्न नयाँ १३८ ऐन समेत निर्माण गर्नुपर्ने उहाँको भनाइ थियो ।उहाँले भन्नुभयो – “संविधान कार्यान्वयन गर्ने दायित्व सबैको हो । यसमा सहयोग गर्न म सबैसँग आग्रह गर्दछु ।” रासस