लागु पर्दाथ दुव्र्यसनी रोक्न अभिमुखीकरण

पोखरान्युजडटकम, १७ असार –

युवाहरुलाई सामाजिक कार्यमा उत्तरदायी बनाउन सक्ने हो भने समाजमा विद्यमान लागु औषध दुव्र्यसनीको समस्या समाधान गर्न सजिलो हुने धारणा पोखरामा आयोजित एक कार्यक्रमका सहभागीहरुले धारणा व्यक्त गरेका छन ।

राष्ट्रिय युवा परिषदले आयोजना गरेको लागु पदार्थ दुव्र्यसन सम्वन्धी अभिमुखीकरण कार्यक्रममा समाजमा भयावह रुपमा रहेको युवाका हरुमा विकसित हुँदै गएको लागु औषध दुव्र्यसनलाई न्युनिकरण गर्न यूवाहरुलाई सामाजिक, आर्थिक र राजनितीक रुपमा सुदृढ वनाउन सहभागीहरुले सुझाव दिएका छन । सहभागीहरुले यसको रोकथामकालागि अभिभावक, समाज, विद्यालय र प्रहरीको समन्वायत्मक भुमिका अपरिहार्य समेत रहेको वताए ।

नेपालमा लागु औषधको सेवन वार्षिक ११ प्रतिशतले वृद्धी हुदै गएको तथ्याङ्गले देखाएको छ । २०६९ को तथ्यांक अनुसार लागु औषधको सेवन गर्नेको संख्या कास्कीमा ६ हजार ९ सय १७ रहे पनि चार वर्ष पछि यसको संख्या करिव १० हजार पुगेको तथ्यांकले देखाएको हो । वार्षिक ११ प्रतिशतले वृद्धी हुंदै गएको लागु औषधको मुद्धा अन्यको भन्दा ६० प्रतिशत रहेको रहेको छ । नेपालमा कास्की जिल्ला लागु औषध दुव्र्यसनीको सख्यामा तेश्रो स्थानमा रहेको छ । २०६९ को तथ्यांक अनुसार नेपालमा कुल दुव्र्यसनीको सख्यां ९१ हजार ५ सय ३४ रहेका छन । लागु पर्दाथ दुव्र्यसनीका लागि नेपालमा करिव १ सय ३४ सुधार केन्द्रहरुको स्थापना गरिएको छ । ति केन्द्र हरुमा १० हजार दुव्र्यसनीहरु बसेको भए पनि अझै ८० हजार भन्दा वढी सुधार केन्द्र वाहिरै रहेको अनुमान गरिएको छ । कास्कीमा त्यस्ता १० सुधार केन्द्रको स्थापना गरिएको छ ।

अभिमुखीकरण कार्यक्रममा सहायक प्रमुख जिल्ला अधिकारी गुरुदत्त ढकाल, सहायक जिल्ला अधिकारी दिपेन्द्र ढकाल, परिषदका उप सचिव रमा अर्याल लगाएतले वोलेका थिए । कार्यक्रममा लागु पर्दाथ नियन्त्रण गण्डकी धौलागिरीका प्रमुख रविन्द्रमान गुरुङ्ग,कम्युनिटी सर्पोट गु्रपका निर्देशक दिलिप गुरुङ्गले छुट्टा छुटुटै कार्यपत्र पेश गरेका थिए । कार्यक्रममा विभिन्न क्षेत्रका करिव ५० जनाको सहभागिता रहेको थियो ।