साहसिक उद्धार गर्ने प्रहरी सम्मानित

मलेखु (धादिङ), २२ असार –

विकट उत्तरी धादिङको री गाविस–९ चेप्राङमा पहिरोले सङ्कटमा परेका गाउँवासीको साहसिकरुपमा उद्धार गर्ने दुई प्रहरी जवानलाई जिल्ला प्रहरी कार्यालयले मङ्गलबार सम्मानित गरेको छ ।

प्रहरी हबल्दार रुद्र कुमाल र प्रहरी जवान सन्दीप कुमाललाई जिल्ला प्रहरी कार्यालयले सम्मानित गरेको हो । जिल्ला प्रहरी प्रमुख विजय खत्रीले जिल्ला प्रहरी कार्यालयमा आयोजित एक कार्यक्रमबीच उनीहरुलाई नगदसहित सम्मानित गरिएको हो । आठ घरका २१ जना पहिरोमा फसेर सङ्कटमा परेको सूचनापछि एक दिनको पैदल दूरीमा उनीहरुले गाउँमा पुगेर गाउँवासीलाई सुरक्षित उद्धार गर्न सकेका थिए । रासस