पोखरा, २२ असार –
पोखरा तथा आसपासका विभिन्न ठाउँमा लुटपाटमा संलग्न बसन्त थापालाई असार १९ गते पोखरा उपमहानगरपालिका–१४ चाउथेबाट प्रहरीले पक्राउ गरेको छ ।
रोल्पा धवाङ गाविस– ४ का ३६ वर्षीय थापाले आफुलाई प्रहरी तथा सेनाको सिआइडी हुँ भनी पोखरा तथा आसपासका क्षेत्रमा मानिसहरुलाई तपाईहरुको शरीर तथा सामानहरु चेकजाँच गर्नुप¥यो भनी डरत्रास देखाई उनीहरुको साथमा रहेका बिभिन्न प्रकारका मोवाइल सेटहरु लुटपाट गर्ने गरेका थिए ।
थापाले चोरी गरी लगेका सामानहरुमध्ये बिभिन्न मोडेलका १७ थान मोवाईल सेटहरु तथा १ वटा साईकल उसले बिक्री गरेका बिभिन्न पसलहरुबाट प्रहरीले बरामद गरेको छ । थापाबाट चोरीको मोवाईल सेट खरिद गर्ने तनहुँ शुक्लागण्डकी नगरपालिका–४ बस्ने ३० वर्षीय सन्तोष सुनार भन्ने कमल सुनार र सोही नगरपालिका–३ बस्ने २३ वर्षीय रमित श्रेष्ठ बिरुद्ध समेत प्रहरीबाट अनुसन्धान कार्य भइरहेको प्रहरीले जनाएको छ ।
