ठक्करबाट साइकल यात्रीको मृत्यु

रत्ननगर (चितवन), २३ असार –

पश्चिम चितवनको चित्रवन नगरपालिका–१२ ज्योतिनगरमा कारको ठक्करबाट एकजना साइकल यात्रीको ज्यान गएको छ ।

भरतपुरबाट मेघौलीतर्फ जाँदै गरेको बा १४ च ५७१५ नम्बरको कारले साइकल यात्रीलाई ठक्क्र दिँदा सो दुर्घटना भएको हो । दुर्घटनामा परी चितवन नगरपालिका–१२ का २५ वर्षीय नारायणप्रसाद अधिकारीको ज्यान गएको जिल्ला प्रहरी कार्यालय चितवनले जानकारी दिएको छ ।

बुधबार साँझ भएको उक्त दुर्घटनामा घाइते भएका अधिकारीको उपचारका क्रममा चितवन मेडिकल कलेजमा मृत्यु भएको प्रहरीले जनाएको छ । उनको शवलाई अहिले भरतपुर अस्पतालमा राखिएको छ । कार चालक नियन्त्रणमा रहेको प्रहरीले जनाएको छ । रासस