लेखनाथमा ट्रयाक्टर पल्टिदा चालकको मृत्यू

पोखरा, २९ असार –

कास्कीमा मंगलबार बेलुका ट्रयाक्टर पल्टिदा एकजनाको मृत्यू भएको छ । लेखनाथ वडा नम्बर–६ ठूली पोखरीमा ना.१ च.१८५० नम्बरको ट्रयाक्टर पल्टिदा तनहुँ ढोरफिर्दीका ट्रयाक्टर चालक २२ वर्षिय केशबहादुर कुमालको ज्यान गएको हो ।

लेखनाथको च्यानेपोखरीबाट अर्घौं अर्चले आउँदै गरेको ट्रयाक्टर राती साढे ८ बजे पल्टिदा कुमालको ज्यान गएको जिल्ला प्रहरी कार्यालय कास्कीले जनाएको छ ।

ट्रयाक्टरको अगाडीको दायाँ टायर पञ्चर भई ट्रयाक्टर पल्दिदा कुमाल गम्भीर घाईते भएका थिए । उनलाई स्थानियले उद्धार गरी उपचारका लागि पश्चिमाञ्चल क्षेत्रीय अस्पताल ल्याएपनि चिकित्सकले मृत घोषणा गरेका थिए ।