पोखरामा नयाँ मिनी माइक्रोबस सञ्चालन

पोखरा, १ साउन –

पोखरा बस व्यवसायी समितिले आजदेखि नगर क्षेत्रमा सुविधासम्पन्न नयाँ मिनी माइक्रोबस सञ्चालनमा ल्याएको छ ।

पुराना ३४ मिनी माइक्रोबस विस्थापन गरी २१ नयाँ मिनी माइक्रोबस सञ्चालनमा ल्याइएको समितिका वरिष्ठ उपाध्यक्ष देउप्रसाद गुरुङले जानकारी दिनुभयो । पुराना बस विस्थापन गरेबापत समितिले व्यवसायीलाई रु तीन लाख २५ हजार क्षतिपूर्ति उपलब्ध गराउँदै आएको छ । सैँतिस सिट क्षमताको सो बसको मूल्य रु ३७ लाख ५० हजार पर्ने बताइएको छ । हाल नगर क्षेत्रमा २५१ माइक्रोबस सञ्चालनमा छन् । रासस