फोरम लोकतान्त्रिक पनि सरकारबाट बाहिरिने

काठमाण्डौ,८ साउन-

सत्ता साझेदार मधेसी जनअधिकार फोरम लोकतान्त्रिक पनि  सरकारबाट बाहिरिने भएको  छ ।

उक्त पार्टीको आज बसेको संसदीय दल र राजनीतिक कार्यसम्पादन समितिको बैठकले प्रधानमन्त्री केपी ओली नेतृत्वको सरकारलाई  दिएको समर्थन फिर्ता लिने निर्णय गरेको हो ।

फोरम लोकतान्त्रिकबाट अध्यक्ष गच्छदार उपप्रधानमन्त्री एवम् भौतिक योजना तथा पूर्वाधारमन्त्री, स्वास्थ्यमन्त्री रामजनम चौधरी र स्वास्थ्य राज्यमन्त्री मोहम्मद मुस्ताक आलम सरकारमा सहभागी छन्  । सो पार्टीबाट १४ जना सांसद व्यवस्थापिक–संसदमा रहेका छन् ।

यसघि शनिवार नै राष्ट्रिय प्रजातन्त्र पार्टीले  सरकारलाई दिँदै आएको समर्थन फिर्ता लिएको थियो सो  पार्टीबाट ।व्यवस्थापिका–संसदमा  राप्रपा का १२ जना सांसदले प्रतिनिधित्व गरेका  छन् । राप्रपाले अविश्वासको प्रस्तावको पक्षमा मतदान गर्ने  निर्णय गरिसकेको  छ भने फोरम लोकतान्त्रिकले समर्थन फिर्ता लिने जनाएको छ । फोरम लोकतान्त्रिकका अध्यक्ष समेत रहेका  उपप्रधानमन्त्री विजयकुमार गच्छदारसहित अन्य दुइ  मन्त्रीको राजीनामा पत्र भोलि प्रधानमन्त्रीलाई बुझाइने बताइएको छ  ।