काठमाडौँ, १२ साउन –
नेकपा (माओवादी केन्द्र)ले अध्यक्ष पुष्पकमल दाहालको नेतृत्वमा राष्ट्रिय सहमतिको सरकार गठन गर्न पहल गर्ने निर्णय गरेको छ ।
पार्टी केन्द्रीय कार्यालय पेरिसडाँडामा आज बसेको केन्द्रीय कार्यालयको बैठकले अध्यक्ष दाहालको नेतृत्वमा राष्ट्रिय सहमतिको सरकार गठन गर्न राजनीतिक दलसँग वार्ता र संवाद गर्ने निर्णय गरेको प्रवक्ता पम्फा भुसालले जानकारी दिनुभयो ।
बैठकले बाढी र पहिरोबाट भएको जनधनको क्षतिप्रति दुःख व्यक्त गर्दै उद्धार र राहतको कामलाई तीव्रता दिन सरकारको ध्यानाकर्षण गराएको छ । बैठकले बाढीपहिरोमा परेका व्यक्तिको उद्धार तथा राहत वितरण कार्यमा सक्रियतापूर्वक लाग्न कार्यकर्तालाई निर्देशनसमेत दिएको छ ।
साथै बैठकले महाधिवेशन आयोजक समितिका सदस्य हरिबहादुर केसी र उहाँको परिवारको प्यूठानको फोप्ली गाविसस्थित आफ्नै निवासमा पहिरोमा परी निधन भएको घटनाप्रति दुःख व्यक्त गरेको छ । बैठक पुनः भोलि बिहान ८ बजे बस्नेछ । रासस
फाउण्डर/सम्पादक
गणेश बरालसम्पादक
शिव अधिकारीसुचना विभाग दर्ता नं.
128236/20719845721717
pokharanews@gmail.comAddress:
Pokhara-8, Kaski2005 - 2025 pokharanews.com
Designed by: Goji Solution