कृष्णपुर, २५ साउन –
देखतभूली गाविसमा गडबिजुला ताल भाडामा लिएर दुईजना युवा व्यवसायीले माछापालन व्यवसाय थाल्नुभएको छ ।
कृष्णपुर नगरपालिका– २ का सुरेन्द्रबहादुर बम र ध्रुव भट्टराईले संयुक्त रुपमा ताल भाडामा लिई माछापालन गरेका हुन् । जिविसबाट पाँच वर्षका लागि रु २७ लाख भाडा तिर्ने गरी ताल ठेक्कामा लिई मछापालन थालिएको हो ।
भारतको बङ्गालबाट रु २७ लाखमा विभिन्न प्रजातीका माछाका भुरा ल्याई तालमा राखेको व्यवसायी बमले बताउनुभयो । वार्षिक रु सात लाखदेखि रु १० लाखसम्म आम्दानी लिन सकिने उहाँको भनाइ छ । रासस
