पोखरा, १६ भदौ –
कम्प्युटर एशोसिएसन महासँघ (क्यान) कास्कीको प्रतिनिधित्व गर्दै पोखरा उद्योग वाणिज्य संघको कार्यसमिति सदस्य पदमा चिन्तामणि बास्तोलाले उम्मेदवारी घोषणा गरेका छन् ।
‘सूचना र संचार प्रविधिको प्रयोग , ब्यबसाय प्रबर्द्धनमा उपयोग ‘ भन्ने नाराका साथ सस्थाको आधिकारिक उम्मेदवारका रुपमा बास्तोलालाइ अगाडी सारेको बिहिबार पत्रकार सम्मेलन मार्फत क्यान कास्कीले बताएको हो । क्यान कास्कीका अध्यक्षसमेत रहेका बास्तोलाले आफ्नो उम्मेदवारी पोखरा उद्योग वाणिज्य संघका गतिबिधिलाई प्रविधि मैत्री बनाउनका लागी रहेको बताएका छन् । उम्मेदवारी घोषणा गर्दै बास्तोलाले सूचना प्रविधीको विकास गर्दै संघका गतिविधिलाई इलेक्ट्रोनिक माध्यमबाट ब्यबसायीहरुको माझ पुर्याइ व्यवसायीको क्षमता अभिबृद्धि गर्न आफुले भूमिका खेल्ने उनले दाबी गरे ।
बास्तोला क्यान कास्की अध्यक्षका अलावा रेडियो सराङकोटका निर्देशक ,मुद्रण उद्योग संघ कास्कीका कोषाध्यक्ष , सहज बचत तथा ऋण सहकारी संस्थाका कोषाध्यक्ष, साइनेज एशोसिएसन कास्कीका सल्लाहकार, संगम मार्ग र आदर्श टोल विकास संस्थाको सचिव लगायतका संघसंस्थामा आबद्ध रहेका छन् । उनि नेपाल रेडक्रस सोसाइटी कास्की , युनाइटेड क्लब, फुलबारी क्लब र तनहुँ सम्पर्क समाजका आजीवन सदस्य रहेका छन् ।
कार्यक्रममा सस्थाका सस्थापक अध्यक्ष जगन गुरुङले बास्तोलाको उम्मेदवारी संघको हितको लागी मात्र नभइ समग्र ब्यबसायीहरुकै हितको लागी भएको दाबी गरे । उनले क्यान कास्कीको बोर्ड बैठक मार्फत उद्योग बाणिज्य संघमा बास्तोलाको उमेदवारी दिने निर्णय गरिएको बताए । क्यानका क्रेन्दिय अध्यक्ष ईञ्जीनियर बिनोद ढकालले सूचना प्रबिधिको हरेक क्षेत्रमा उल्लेखनिए भूमिका रहने बताउदै सूचना प्रबिधिको पहुच ब्यबसायीहरुमाझ पुर्याउनको लागी सस्थागत तबरबाट प्रतिनिधित्व गर्नुपर्ने भन्दै बास्तोलालाइ शुभकामना ब्यक्त गरे ।
क्यान कास्कीको आयोजनामा पोखरामा हरेक वर्ष सूचना प्रविधि मेला हुँदै आइरहेकोमा यसपालीदेखि पोखरा उद्योग वाणिज्य संघले आयोजना गर्ने व्यापार मेला संगै सूचना तथा प्रविधिमैत्री मेला आयोजना गरिएको थियो ।
पोखरा उद्योग वाणिज्य संघको ३१ औं महाधिवेशन भदौं ३१ र असोज १ गते हुँदैछ ।
