पोखरा २३, भदौ-
पोखराको बुलौदी हुदै बग्ने फिर्के खोलाले मोटरसाइकल बगाउदा एक जना बेपत्ता भएका छन ।
बुधबार (हिजो) साझ परेको भारी बर्षाको कारण उर्लिएको खोलाले मोटरसाइकलमा सवार उनलाई मोटरसाइकल सहित राती करिब ११ बजे बगाएको हो । ग ६ प ७९२ नम्बरको निलो रङको पल्सर मोटरसाइकल विहिवार विहान फेला परेता पनि उक्त मोटरसाइकलमा सवार ब्यक्ति को थिए भन्ने नखुलेको कास्की प्रहरीले जनाएको छ ।
पोखराको मालपोत कार्यालय नजिकैबाट खोला पार गर्ने क्रममा मानिस सहित बगेको मोटरसाइकल दुई सय पचास मिटर तल फेला पारिएको हो । मोटरसाइकलमा सवारको अबस्था भने अज्ञात रहेको र उनको खोजी कार्य जारी रहेको प्रहरीले जनाएको छ ।
फाइल फोटो
