तोल्कामा जारी खेलकुद अन्तर्गत दोश्रो चरणको खेलहरु सम्पन्न

पोखरा –

कास्कीको पर्यटकीय गाउ तोल्कामा जारी बृहत खेलकुद कार्यक्रममा शनिवार दोश्रो चरणको खेलहरु सम्पन्न भएका छन । देउराली युवा क्लवले आफ्नो १३ औ वार्षिकोत्सव तथा दिपावलीको अवसरमा आयोजना गरेको विविध खेलकुद कार्यक्रम अन्तर्गत शनिवार दोश्रो चरणको खेलहरु सम्पन्न भएको हो ।

शनिवार सम्पन्न दोश्रो चरणको पहिलो खेलमा लामाखेतले मकवानपुरलाई २५–२३,२५–२०ले पराजित गर्दै अघिल्लो चरणमा प्रवेश गरयो । दोश्रो खेलमा द हिभनले किम्चालाई २५–२१,२५–१७ को सोझो सेटमा पराजित गरयो । तेश्रो खेलमा तीखानले भिचुकलाई २५–२०,२५–१८ ले पराजित गर्न सफल भयो चौथो खेलमा कोल्टेभाटेले घलेललाई २६–२४,२५–१८ ले पराजित गर्दै अघिल्लो चरणमा प्रवेश गर्न सफल भयो ।

शनिवारनै सम्पन्न क्वाटर फाइनल अन्तर्गतको पहिलो खेलमा हुडुले लामाखेतलाई २५–१४,२५–१६ को सोझो सेटमा पराजित गरयो । दोश्रो खेलमा तीखेनले तोल्कालाई २५–२३,२५–१९ को सोझो सेटमा पराजित गरयो तेश्रो खेलमा द हिभन नयापुलले भिचुक ए लाई २५–२२,२५–१५ ले पराजित गर्दै अघिल्लो चरणमा प्रवेश गर्न सफल भयो । आइतबार क्वाटर फाइनल अन्तर्गतको अन्तिम खेल कोलबाटी र साबेत बीच हुने खेल संयोजक भरत गुरुङले जानकारी दिए ।

२५ टीमको सहभागीता रहेको प्रतियोगितामा प्रथम, द्धितिय र तृतिय हुने टीमलाई क्रमश ३५, २३ र ११ हजार नगद, शिल्ड, प्रमाणपत्र प्रदान गरिने छभने बेष्ट स्पाइकर, वेष्ट प्लेयर, वेष्ट ब्लकर र महिला तर्फ वेष्ट प्लेयरलाई नगद, शिल्ड, प्रमाणपत्र प्रदान गरिने छ । त्यस्तै रसीतान्ने पहिलोलाई भाले र खादा द्धारा सम्मान, छेलो हान्नेमा प्रथम हुनेलाई नगद, भाङग्राद्धारा सम्मान, घैटो फुटाउनेलाई नगद, खादा र प्रमाणपत्र , त्यस्तै मकैगन्ने, मेच घुमाइ,मा प्रथम हुनेलाई नगद पुरस्कार प्रदान गरिने छ ।

कार्यक्रम अवधिभर स्थानिय युवा युवतीहरुद्धारा विविध सांस्कृतिक कार्यक्रमको आयोजना गरिने कार्यक्रमका प्रचार प्रसार संयोजक भरत गुरुङले जानकारी दिए । प्रतियोगिता सम्पन्न गर्नका लागी विभिन्न राजनितीक दलका गाविस प्रतिनिधी, सुमन गुरुङ युके, वडा नागरिक मञ्च तोल्का ८ लुम्ले, नया शक्ति पार्टी नेपालका राष्ट्रिय युवा अभियान कास्की, लुम्ले ८ तोल्का घर भइ विभिन्न पेशामा विदेशमा रही काम गर्ने युवाहरुको विशेष सहयोग रहेको छ ।