लेखनाथमा दुर्घटना, एकजनाको मृत्यु

पोखरा-
कास्कीको लेखनाथ नगरपालिका वडा नं १६ को लामगादीस्थित ठूलोपाखामा भएको ट्याक्टर दुर्घटनामा परि चालक रामनारायण यादवको मृत्यु भएको छ ।

पुडीबाट गिटी लिएर लामगादीतर्फ जाँदै गरेको ग १ त ३७ ५३ नम्बबरको ट्याक्टर ओभरलोडका कारण सडक छेउबाट करिब दुई सय मिटर तल सेती नदिमा खस्दा रौतहट घर भएका चालक रामनारायण यादवको घटनास्थलमै मृत्यु भएको हो ।

लेखनाथ नगरपालिका वडा नं १ निवासी निर्माण ब्यवसायी कर्णबहादुर सुनारको ट्याक्टर बाटोबाट तल खसि सेती नदिको पानीमा डुबेको छ । मृतक यादवको शव नदि किनारामा रहेको र ट्याक्टरको एक वटा पाँग्रो फुत्किएर बाहिर देखिएको घटनास्थलमा पुगी उद्धारकार्यमा संलग्न गगनगौडा अस्थायी ट्राफिक पोष्टका प्रहरी साहायक निरिक्षक रुद्रवहादुर मल्लले जानकारी दिए ।