पोखरा –
बालिकामाथि यौन दुव्र्यवहार गर्न खोज्ने एक जनालाई स्थानीयले समातेर प्रहरी समक्ष बुझाएका छन् । पर्वत स्थायी घर भएका अशोक पौडेललाई ६ बर्षीया बालिकामाथि यौन दुब्र्यवहार गरेको आरोपमा स्थानियले नियन्त्रणमा लिएर प्रहरीलाई बुझाएका छन् ।
सोमबार राती करिब ११ बजे माछापुच्छ्रे गाउँपालिका–२ घलेखर्ककी बालिकालाई बलात्कार गर्न लागेको देखेपछि स्थानियले उनलाई नियन्त्रणमा लिएर प्रहरीलाई खबर गरेका थिए ।
‘पौडेलले बलात्कार प्रयत्न (रेप अटेम्ट) गरेको प्ररम्भिक अनुसन्धानका क्रममा खुलेको छ’ जिल्ला प्रहरी कार्यालय कास्कीका प्रमुख (एसपी) घनश्याम अर्यालले भने, ‘जिल्ला अदालतबाट म्याद लिएर थप अनुसन्धान गर्छौं ।’ पौडेल पृथ्वीनारायण क्याम्पसको अनेरास्ववियु प्रारम्भिक कमिटीका पूर्व अध्यक्ष समेत हुन् । बालिकालाई उपचारका लागि पश्चिमाञ्चल क्षेत्रीय अस्पतालमा ल्याइएको छ ।
यसअघि पनि पृथ्बीनारायण क्याम्पसको महिला होस्टलमा मध्यरात छिर्न खोज्दा पक्राउ परेर ६ महिना कारवाही परेका पौडेलले ९ महिना अघि मात्रै बिध्यावासिनी स्थित आफु बस्ने कोठा छेउको युवतीलाई जवरजस्ती गर्न खोज्दा पक्राउ परेका थिए । तर राजनीतिक पहुँचका आधारमा छुटेका पौडेलले लगातार महिला, युवती तथा वालिका माथि बलात्कार प्रयास गर्ने गरेको स्रोतले बतायो । स्रोत – पिसपोखरा
