फायरफाईटिङको प्रयोगले आगो नियन्त्रणमा,
पोखरा न्युज –
पोखराको राष्ट्रबैंक चोकमा रहेकोे एक ट्राभल कम्पनीमा बुधबार आगलागी भएको छ । ट्राभल कार्यालयमा लागेको आगोलाई तत्काल फायरफाईटिङको प्रयोगद्वारा नियन्त्रणमा लिईएको छ ।
बुधबार वेलुका करिब ५ः३० बजे तिर बिद्युत सर्ट भई गोल्डेन ट्राभलमा आगो लागि भएको हो । आगलागी लगतै राष्ट्र बैंक गेष्ट हाउसमा रहेको फायरफाईटिङ प्रयोग गरेर आगोलाई तत्काल नियन्त्रणमा लिइएकाले धेरै क्षती हुनबाट बचाउन सकिएको स्थानिय विजय नेपालले पोखरा न्युजलाइ बताए । आगो नियन्त्रणमा आएसंगै ठूलो क्षति टरेको नेपालले जनाए । समयमा आगो नियन्त्रणमा आएकोले उक्त सटरसंगै जोडिएका एक दर्जन सटर क्षति हुनबाट बचेका छन् ।
ट्राभलका संचालक कार्यालय वन्द गरेर घर गएको अबस्थामा एकाएक उक्त कोठाबाट कालो धुवाको मुस्लो आए पछि स्थानियले प्रहरीलाई खवर गरेका थिए । वडा प्रहरी कार्यालय बैदामका प्रहरी निरिक्षक मोहनमणि अधिकारीको नेतृृत्वमा गएको एक टोलीले स्थानियको सहायतामा फायरफाईटिङ सहित माटो तथा पानी हालेर आगोलाई नियन्त्रणमा लिएका हुन ।
