पोखरा न्युज – २२ जेठ ।
मुस्ताङमा डोजर दुर्घटना हुँदा दुईजना घाइते भएका छन् ।
मंगलबार मुस्ताङको थासाङ् गाउँपालिका ३ वेनी-जोमसोम सडकखण्डको लेते खोलामा डोजर दुर्घटना हुँदा डोजरका हेल्पर म्याग्दीको रघुगंगा २ राखु बस्ने २६ बर्षीय सतिस भण्डारी र २४ बर्षीय सहचालक प्रदिप भण्डारी घाइते भएको प्रहरीले जनाएको छ ।
घाइते मध्ये सहचालक प्रदिप भण्डारीको प्राथमिक उपचार केन्द्र लेते मुस्ताङमा उपचार भइरहेको र डोजरका हेल्पर सतिस भण्डारीलाई श्री एयरको हेलिकप्टरबाट गण्डकी मेडिकल कलेज पोखरा ल्याइएको प्रहरी उपरीक्षक बिरेन्द्र कुमार बस्यालले जानकारी दिए ।
मंगलबार लेते खोलामा गजुरमुखि कन्ट्रक्सनको डोजर रोकेर मर्मत गर्ने क्रममा अचानक जमिन भासिदा दुर्घटना भएको प्रहरीले उल्लेख गरेको छ । जमिन भासिदा डोजर करिब २ सय मिटर तल कालिगण्डकी नदीमा खसेको थियो ।