पो.उ.बा. संघको अध्यक्षमा दामु अधिकारी निर्वाचित, पदाधिकारीमा भने सबै प्रजु प्यानलका

पोखरा न्यूज- ०६, असोज ।

पोखरा उद्योग बाणिज्य संघको अध्यक्षमा दामु अधिकारी निर्वाचित भएका छन् । अध्यक्षकका अर्का प्रत्यासी रबिन्द्र बहादुर प्रजुलाई ७ भोटको झिनो मतान्तरले पराजित गर्दै अधिकारी निर्वाचित भएका हुन् ।

नेकपा प्यानलबाट अधिकारी अध्यक्षमा निर्वाचित भए भने बाकी सबै पदाधिकारीमा कांग्रेस निकट प्रजु प्यानलका विजयी भएका छन् ।

पदाधिकारीमा बरिष्ठ उपाध्यक्षमा नारायण कोइराला, उद्योग उपाध्यक्षमा विन्दु कोइराला सुवेदी, वाणिज्य उपाध्यक्षमा पवन प्रजापति, महासचिवमा अर्जुन पोखरेल, उप महासचिवमा चिनु गुरुङ र कोषाध्यक्षमा सुरेन्द्रमान बिजुक्छे निर्वाचित भएका छन् ।

कुल २९८६ मत खसेकोमा अधिकारीले १४७८ मत प्राप्त गरे भने प्रजुले १४७१ मत प्राप्त गरे । बिद्युतीय मेसिनको प्रयोग गरी  मतदान  गरिएतापनि कुल खसेको भनिएको मतमा दुवै उम्मेदवारको मत जोड्दा पनि ३७ मत अपुग देखिन्छ । प्राप्त पदाधिकारीका उम्मेदवारको मत पनि  फरक देखिन्छ । संघमा पहिलोपटक बिद्युतीय मेसिनको प्रयोग गरीएको हो ।

क – कसले कति मत पाए

अध्यक्ष
दामु अधिकारी १४७८ ( विजयी )
रबिन्द्र बहादुर प्रजु १४७१

बरिष्ठ उपाध्यक्ष
नारायण कोइराला १७१५ (विजयी )
यदुनाथ अधिकारी १२३५

उद्योग उपाध्यक्ष

बिन्दु कोइराला सुवेदी १७११ (विजयी )
गीता तिवारी १२३८

बाणिज्य उपाध्यक्ष

पवन प्रजापति १८३६ (विजयी )
यमनाथ पौडेल ११०५

महासचिव

अर्जुज पोखरेल १७०२ (विजयी )
किसान सुनार १२४८

कोषाध्यक्ष

सुरेन्द्रमान बिजुक्छे १५०२ (विजयी )
प्रेम भुजेल १४४५

उप – महासचिव
चिनु गुरुङ १५६१ (विजयी )
सीता वराल १३८८