पोखरा न्यूज – १४ जेठ । पोखराबाट बुटवल तर्फ जाँदै गरेको बसको ठक्करबाट एक जनाको मृत्यु भएको छ ।
सिद्वार्थ राजमार्ग अन्तर्गत स्याङजाको पुतली बजार नगरपालिका-१ मा मंगलबार पोखराबाट बुटवल जाँदै गरेको ना ४ ख २३२२ नम्बरको बसले ठक्कर दिँदा एक पैदल यात्रीको मृत्यु भएको गण्डकी प्रदेश प्रहरी कार्यालय पोखराका प्रहरी प्रवक्ता डिएसपी गोबिन्द पुरीले जानकारी दिए ।
दुर्घटनामा परि मृत्यु हुनेमा पुतली बजार नगरपालिका १३ लामपाटाका करिव ७२ बर्षीय मन बहादुर दमाई रहेको प्रहरी प्रवक्ता पुरीले जनाएका छन् । बसको ठक्करबाट गम्भीर घाइते भएका दमाईको पोखरा स्थित गण्डकी मेडिकल कलेजमा उपचारको क्रममा मृत्यु भएको प्रहरीले उल्लेख गरेको छ ।
