पोखरा न्यूज – २५, जेठ । स्याङजमा शनिबार दिदिसँग मन्दिर घुम्न गएकी बहिनीको नदिले बगाउदा ज्यान गएको छ ।
कालिगण्डकी गाउँपालिका-२ भुरडाँडाकी २५ बर्षीया मिना थापा आफ्नी दिदि तारा केसिसँग सोहि स्थानको कालिगण्डकी नदिको किनारमा रहेको गुठी मन्दिर घुम्न जाने क्रममा नदीले बगाउदा मृत्यु भएको प्रहरीले जनाएको छ ।
नदि किनारमा हातखुट्टा धुन लाग्दा नदिले बगाएकी मिनाको शव करिब १ किलोमिटर तल फेला परेको गण्डकी प्रदेश प्रहरी कार्यालय पोखराका प्रहरी उपरीक्षक नवराज भट्टले जानकारी दिए ।
घटनाको बारेमा थप अनुसन्धान भइरहेको प्रहरीले उल्लेख गरेको छ ।