पोखरा न्यूज – १४, असार । पोखराको लेकसाइडमा एक युवकको ढुङगा प्रहारबाट बिदेशी नागरिक घाइते भएकी छन्।
शनिबार लेकसाइडको खहरे स्थित एक क्याफेमा जुस खान बसेकी जर्मनी नागरिक २७ बर्षिया अन्ना हेक्कीलाई अन्नपुर्ण गाँउपालिका- १० घान्द्रुकका २० बर्षीय जनम परियारले ढुङगाले हानेको प्रहरीले जनाएको छ ।
ढुङगा प्रहारबाट घाइते भएकी हेक्कीको मेट्रोसिटि अस्पताल पोखरामा उपचार भइरहेको गण्डकी प्रदेश प्रहरी कार्यालय पोखराका प्रहरी नायब उपरीक्षक कृष्ण बहादुर कार्कीले जानकारी दिए ।
प्रहरीका अनुसार परियारले मादक पदार्थ सेवन गरि हेक्कीलाई ढुङगाले हानेका हुन् । परियारलाई पक्राउ गरि थप अनुसन्धान भैरहेको प्रहरीले जनाएको छ ।
२०७६/३/१५ मा अद्यावधिक गरिएको : यसअघी क्याफेको नामको सूचना गलत भन्ने जानकारी आएकाले क्याफेको नाम हटाइएको ।
