पोखरा न्यूज – २१, असार । पोखरा पिपलडलीमा एक नवजात शिशुको शव फेला परेको छ ।
पिपलडली मार्गस्थित खेतको कुलाको छेउमा शनिबार नवजात शिशुको शव फेला परेको प्रहरीले जनाएको छ ।
पेट भन्दा मुनि र दाहिने हात केही मात्रामा जनावरले खाएको जस्तो देखिने अवस्थामा नवजात शिशुको शव फेला परेको गण्डकी प्रदेश प्रहरी कार्यालय पोखराका प्रहरी नायब उपरीक्षक कृष्ण बहादुर कार्कीले जानकारी दिए ।
घटनाका बिषयमा थप अनुसन्धान भइरहेको प्रहरीले जनाएको छ ।