पोखरा न्यूज – ०३, साउन । दुध बोकेर पोखरातर्फ आउदै गरेको ट्रक डुम्रे–दमौली सडकखण्डमा दुर्घटना भएको छ ।
पृथ्वीराजमार्ग अन्तर्गत तनहुँको व्यासनगरपालिका–१२ कमलबारीस्थित घुम्तीमा बिहीबार साँझ भारतीय नम्बर प्लेट एच आर ५५ पि ५९५४ को ट्रक दुर्घटना भएको जिल्ला प्रहरी कार्यालय तनहुँले जनाएको छ ।
बीरगञ्जबाट २३ हजार लिटर दूध लिएर पोखरातर्फ आउँदै गरेको भारतीय ट्रक दुर्घटना हुँदा मानवीय क्षति हुनबाट जोगिएको प्रहरीले उल्लेख गरेको छ । दुर्घटनामा २३ हजार लिटर दूध क्षति भएको प्रहरीले जनाएको छ ।
घटना बारे थप अनुसन्धान भइरहेको प्रहरीले जनाएको छ ।
