पोखरा न्यूज – ३२, साउन । म्याग्दीमा चट्याङका कारण ७० वटा भेडा मरेका छन् ।
शुक्रबार राति करिव साढे नौ बजेको समयमा परेको चट्याङका कारण म्याग्दीको अन्नपूर्ण गाउँपालिका-५ पाउद्धार खयर लेकमा रहेको भेडी गोठमा रहेका ७० वटा भेडा मरेको प्रहरीले जनाएको छ ।
भेडी गोठमा राजेश तिलिजा, मिन बहादुर गुरुङ, दिल बहादुर शेरपुञ्जा, लाल बिर तिलिजा, तिल बिर तिलिजा, यम बहादुर तिलिजा र कमल तिलिजाको संयुक्त लगानी रहेको गण्डकी प्रदेश प्रहरी कार्यालय पोखराका प्रहरी नायव उपरीक्षक कृष्ण बहादुर कार्कीले जानकारी दिए ।
घटनाका विषयमा थप अनुसन्धान भैरहेको प्रहरीले जनाएको छ ।