पोखरा न्यूज – १२, भदौ । पोखरामा गए राति भएको दुर्घटनामा एकको मृत्यु भएको छ भने तिन जना घाइते भएका छन् ।
पोखरा महानगरपालिका–३२ गगनगौँडामा गए राति ग७प ७४२८ नंको मोटरसाइकल र ग११प २३५८ नंको स्कुटर एकापसमा ठोक्किँदा पोखरा -५ पर्स्याङ् निवासी १८ वर्षीय सागर गुरुङको मृत्यु भएको जिल्ला प्रहरी कार्यालय कास्कीका प्रहरी नायब उपरीक्षक राजकुमार केसीले जानकारी दिए ।
ठक्करपछि गम्भीर घाइते भएका गुरुङको पोखरा स्वास्थ्य विज्ञान प्रतिष्ठानमा उपचारका क्रममा निधन भएको थियो । सो दुर्घटनामा लेखनाथ भण्डारढीकका विकल सुनार र रुपा-७ का दीपक विक तथा पोखरा अर्चलबोटका निशान गुरुङ घाइते भएका छन् ।
घटना बारे थप अनुसधन भैरहेको प्रहरीले जनाकारी दिएको छ ।
२०७६ / ०४ /१२ गते ६: 00 मा अद्यावधिक गरिएको
