पोखरा न्यूज – १५, भदौ । तनहुँमा मोटरसाइकलले स्कुटरलाई ठक्कर दिँदा तीनजना घाइते भएका छन् ।
आइतवार शुक्लागण्डकी नगरपालिका बेलचौतारामा खैरेनिटारबाट दुलेगौँडा तर्फ आउदै गरेको ग १६ प ८४०० नंम्बरको स्कुटरलाई सोहि दिशाबाट आउदै गरेको बा ७५ प ७५०५ नंम्बरको मोटरसाइकलले ठक्कर दिदा तीनजना घाइते भएको प्रहरीले जनाएको छ ।
दुर्घटनामा स्कुटर चालक स्थानीय २० बर्षीय सुदर्शन थापा, मोटरसाइकल चालक सिन्दुपाल्चोकको मेलम्ची नगरपालिका-५ का ३७ बर्षीय बिनोद पुरी र पछाडी सवार वर्ष ३३ कि सरला कुमारी रोका घाइते भएको गण्डकी प्रदेश प्रहरी कार्यालय पोखराका प्रहरी नायव उपरीक्षक कृष्ण बहादुर कार्कीले जानकारी दिए ।
घाइतेहरुलाई उपचारका लागि स्थानीय अस्पताल तर्फ पठाइएको प्रहरीले जनाएको छ ।