पोखरा न्यूज – १८, भदौ । नवलपरासीको कावासोतीमा बस र ट्रक एकआपसमा ठक्कर खाँदा २५ जना घाइते भएका छन् ।
कावासोती नगरपालिका-१६ डण्डा स्थित पत्थर खोला पुल नजिकै पश्चिमबाट पुर्वतर्फ आँउदै गरेको ग १ ख ७६६५ नम्बरको ट्रक र बिपरित दिशाबाट जाँदै गरेको लु २ ख १६७६ नम्बरको बस एक-आपसमा ठक्कर खाँदा चालक सहित २५ जना घाइते भएको प्रहरीले जनाएको छ ।
दुर्घटनामा घाइते भएका मध्ये ४ जनालाई उपचारको लागि नया मेडिकल कलेज भरतपुर पठाइएको र अन्य घाइतेको मध्यबिन्दु जिल्ला अस्पतालमा उपचार भइरहेको गण्डकी प्रदेश प्रहरी कार्यालय पोखराका प्रहरी नायव उपरीक्षक कृष्ण बहादुर कार्कीले जानकारी दिए।
प्रहरीले घटनाका बारेमा अनुसन्धान भइरहेको र थप विवरण आउन बाँकी रहेको जनाएको छ ।
