पोखरा न्यूज – ०३, असोज । तनहुँमा शुक्रबार कार दुर्घटना हुँदा १ जना घाइते भएका छन् ।
तनहुँ आबुखैरेनी गाउँपालिका -२ खानीखोला राजमार्गमा डुम्रेबाट आबुखैरेनी तर्फ आउदै गरेको बा ५ च ७४८७ नम्बरको कार दुर्घटना हुँदा कारका चालक घाइते भएको प्रहरीले जनाएको छ ।
दुर्घटनामा चालक तनहुँ भानु नगरपालिका – ४ पन्त गाउका २६ बर्षीय सागर पन्त घाइते भएको गण्डकी प्रदेश प्रहरी कार्यालय पोखराका प्रहरी नायव उपरीक्षक कृष्ण बहादुर कार्कीले जानकारी दिए ।
घाइते पन्तलाई उपचारको लागि छिम्केश्चरी अस्पताल आबुखैरेनी पठाइएको प्रहरीले जनाएको छ ।
