पोखरा न्यूज- १५, असोज । मङ्गलबार केही गिरावट आएको सुनको मूल्य आज स्थानीय बजारमा वृद्धि भएको छ । नेपाल सुनचाँदी व्यवसायी महासङ्घका अनुसार आज छापावाला र तेजाबी सुनको मूल्य प्रतितोला रु ६ सयले वृद्धि भएको छ ।
छापावाला सुनको मूल्य प्रतितोला रु ६९ हजार ८ सय कायम भएको महासङ्घले जनाएको छ । मङ्गलबार छापावाला सुन प्रतितोला रु ६९ हजार २ सयमा खरीद बिक्री भएको थियो ।
त्यसैगरी तेजाबी सुनको मूल्य प्रतितोला रु ६९ हजार ५ सय निर्धारण भएको छ । मङ्गलबार तेजाबी सुन प्रतितोला रु ६८ हजार ९ सयमा कारोवार भएको थियो ।
सुनको मूल्य बढेसँगै चाँदीको मूल्य पनि सामान्य वृद्धि भएको छ । चाँदी प्रतितोला रु १० ले बढेर रु ८ सय ३५ पुगेको महासङ्घले जनाएको छ ।