पोखरा न्यूज – १६, कार्तिक । पोखरा महानगरपालिका वडा नं. १७ रातोपैह्रामा सञ्चालित अन्तराष्ट्रिय पर्वतीय संग्रहालयले ११ दिनमा टिकट बिक्रीबाट २६ लाख ५० हजार ३ सय ७० रुपैया आम्दानी गरेको छ ।
यही महिनाको १ देखि ११ गतेसम्म विद्यार्थी दुई हजार १ सय २९, सर्वसाधारण नेपाली छ हजार ७ सय ६८, सार्कस्तरीय १५ सय १२ र बाह्रय एक हजार ६ सय ५३ जना टिकट काटेर अध्ययन अवलोकन गर्दा उक्त आम्दानी भएको आज यहाँ आयोजित एक कार्यक्रममा जानकारी दिए ।
नेपाल पर्वतारोहण संघ को ४६ औं स्थापना दिवसको अवसरमा आयोजित कार्यक्रममा हालसम्म २२ लाख १२ हजार १५ जनाले टिकट काटेर अवलोकन गर्दा कूल २० करोड ५९ लाख ४७ हजार ३ सय २८ आम्दानी गर्न सफल भएको संग्रहालयका निर्देशक शंकर गौतमले जानकारी दिए ।
नेपाल पर्वतारोहण संघद्धारा खरिद गरेको एक सय रोपनी जग्गामा निर्माण गरि एक दशक अधिदेखि संञ्चालनमा आएको संग्रहालयको एउटै छानामुनी हिमाल र हिमालीका गतिविधिबारे जानकारी लिन सकिने व्यवस्था गरिएको छ । नेपाल पर्वतारोहण संघका सल्लाहकार हरिध्वज तुलाचनले संघको झण्डोत्तोलन गरेर कार्यक्रमको उद्घाटन गर्दै पर्वतीय पर्यटन प्रबर्द्धनमा संग्रहालयले महत्वपूर्ण भूमिका निर्वाह गर्दै आएको बताए ।
अर्का सल्लाहका कमलमान गुरुङले नेपसले संग्रहालयलाई व्यवस्थित गर्दै लैजाने तयारी गरिरहेको जानकारी दिदै यसको विकासका लागि तीनै तहका सरकारबाट आवश्यक सहयोग हुनु पर्नेमा चर्चा गरे । नेपाल पर्वतारोहण संघ अन्नपूर्ण शाखाका भूर्व अध्यक्ष जीवन सापकोटाले संग्रहायल प्रदेश गहना भएको उल्लेख गर्दै यसको उचित प्रचार प्रसारको खाँचो औल्याए ।
चारवटा कक्षमा १२ वटा उपकक्ष रहेको संग्रहालयमा विश्वका आठ हजारभन्दा बढी उचाई भएका १४ वटा, सात हजार ५०० देखि सात सय हजार ९ सय ९९ उचाईसम्मका ४०, छ हजारदेखि छ हजार ९ सय ९९ सम्मका ६०३ सहित कूल एक हजार ९ सय १३ वटा हिमचुचुरा र त्यस क्षेत्रमा बसोबास गर्ने बासिन्दाका भेषभुसा, संस्कृति, उपयोग गर्दै आएका बिभिन्न सामाग्री संग्रह गरि प्रदर्शनमा राखिएकोछ ।
