पोखरा न्यूज – १९, कार्तिक । पछिल्लो साता केही उकालो लागेको सुनको मूल्यमा आज सामान्य गिरावट देखिएको छ । नेपाल सुनचाँदी व्यवसायी महासङ्घका अनुसार आज स्थानीय बजारमा छापावाला सुनको मूल्य प्रतितोला रु २ सयले घटेको छ ।
छापावाला सुनको मूल्य प्रतितोला रु ७० हजार ८ सय कायम भएको महासङ्घले जनाएको छ । सोमबार छापावाला सुन प्रतितोला रु ७१ हजारमा खरिदबिक्री भएको थियो ।
यसैगरी तेजाबी सुनको मूल्य पनि प्रतितोला रु २ सय ले घटेको छ । महासङ्घले तेजाबी सुनको मूल्य प्रतितोला रु ७० हजार ५ सय निर्धारण गरेको छ । सोमबार तेजाबी सुन प्रतितोला रु ७० हजार ७ सय मा खरिदबिक्री भएको थियो ।
यसैगरी चाँदीको मुल्यमा पनि प्रतितोला रु ५ घटेको छ । आज स्थानीय बजारमा चाँदी प्रतितोला रु ८ सय ६५ मा कारोबार भइरहेको महासङ्घले जनाएको छ ।