पोखरा न्यूज – १६ , माघ । गोरखामा घाँस काट्न गएकी एक महिलाको भीरबाट लडेर मृत्यु भएको छ ।
गोरखा नगरपालिका-१४ याङकोट घर भएकी ४० वर्षीया विष्णु विकको भीरबाट लडेर मृत्यु भएको हो । सिमलचौताराको भीरमा घाँस काट्दै गर्दा विक लडेर घाइते भएकी थिइन् ।
घाइते विकलाई उपचारका लागि गोरखा जिल्ला अस्पताल लगिएको र उपचारका क्रममा अस्पतालमा मृत्यु भएको प्रहरीले जनाएको छ ।
घटनाका विषयमा थप अनुसन्धान भइरहेको पनि प्रहरीले बताएको छ ।