पोखरा न्यूज – २८ , माघ । अमेरिकामा कारको ठक्करबाट ज्यान गुमाएका खिमबहादुर महरको परिवारलाई २१ लाख बढी सहयोग गरिएको छ ।
अमेरिकाको न्यूअर्कमा कारको ठक्करबाट ज्यान गुमाएका म्याग्दीको मालिका गाउँपालिका-१ निस्कोटका ३७ वर्षीय खिमबहादुर महरको धर्मपत्नी धनकुमारी महरलाई एक कार्यक्रम बिच २१ लाख ५७ हजार ६० रुपैयाँ हस्तान्तरण गरिएको छ । सहयोग रकम म्याग्दी समाज न्यूअर्कका सचिव याम पुनले हस्तान्तरण गरेका छन । ।
वैदेशिक रोजगारीका लागि दुई वर्ष अघि अमेरिका गएका महरको गत महिना पुषमा कारको ठक्करबाट मृत्यु भएको थियो ।