पोखरा न्यूज – ०८, फागुन । आफ्नै विद्यालयकी एक छात्रालाई यौन दुराचार गरेको अभियोगमा पक्राउ परेका भाष्कर मेमोरियल स्कुलका सञ्चालक विश्वराज बास्तोलालाई ७ दिन म्याद थप गरिएको छ ।
बास्तोलालाइै यौन दुराचार मुद्दामा थप अनुसन्धानका लागि ७ दिन म्याद थप गरिएको जिल्ला प्रहरी कार्यालय कास्कीका प्रवक्ता डिएसपी राजकुमार केसीले जानकारी दिए ।
यसअघि पनि जिल्ला अदालत कास्कीबाट ५ दिन म्याद थप गरि बास्तोलालाई मंगलबारसम्म हिरासतमा राखिएको थियो । बास्तोलाले गत २ गते बिहान घरबाट स्कुल आउने क्रममा छात्रालाई यौन दुर्व्यवहार गरेको भन्दै उनका अभिभावकले जिल्ला प्रहरी कार्यालय कास्कीमा उजुरी दिएका थिए ।
यसअघि पोखरा मै अमरसिंह माविका एक शिक्षकले पनि आफ्ने विद्यालयकी छात्रामाथि यौन दुर्व्यवहार गरेको आरोप लागेको थियो ।