पोखरा । पोखराको फेवातालमा एक जनाको शव फेला परेको छ ।
सोमबार बिहान पोखरा- ०६ लेकसाइड गौरीघाट स्थित ३१ नम्बर स्ट्रिट अगाडिको ताल क्षेत्रमा शव फेला परेको प्रहरीले जनाएको छ ।
फेवातालमा तैरिइरहेको अवस्थामा अन्दाजी ३५/४० वर्षीय पुरूषको शव फेला परेको वडा प्रहरी कार्यालय कास्कीका प्रमुख, डिएसपी यादव ढकालले जानकारी दिए । शवलाई शशस्त्र प्रहरी र नेपाल प्रहरीको टोलीले तालबाट निकालेको डिएसपी ढकालले बताए ।
मृतकको हालसम्म सनाखत भएको छैन । घटनाको बारेमा अनुसन्धान भैरहेको प्रहरीले जनाएको छ ।