पोखरा । पोखराको एक होटेलमा काम गर्ने सेफ (कुक) मृत अवस्थामा फेला परेका छन् ।
पोखरा महानगर-१० उत्तमचोकमा रहेको होटेल टास्कमा कार्यारत ५१ वर्षीय सोबित बहादुर क्षेत्री आफ्नै सुत्ने कोठामा मृत फेला परेका हुन् । स्याङ्जा आरुखर्क स्थायी घर भएका क्षेत्रीलाई आज बिहान ११ बजेतिर मृत अवस्थामा फेला परेको जनाइएको छ ।
मृत्युको कारण नखुलेको र घटनाको विषयमा थप अनुसन्धान भइरहेको प्रहरीले जनाएको छ ।