४ दिनमा दोस्रो पटक आत्महत्या प्रयास गरेकी महिलाको मृत्यु

पर्वत। पर्वतको जलजला गाउँपालिकाका युवाहरुले कालिगण्डकी नदीबाट सकुसल उद्धार गरेकी महिला मृत फेला परेकी छन् ।

सिन्धुपाल्चोकको ईन्द्रावती गाउँपालिका घर भई पर्वत जलजला गाउँपालिका -३ वारीबेनीमा मजदुरी गर्दै आएकी ३५ वर्षीया देवी थापा मगर दोभान स्थित काली गण्डकी नदी किनारमा मृत फेला परेको प्रहरीले जनाएको छ ।

चैत्र २५ गते मंगलबार दोबिल्लाबाट कालिगण्डकी नदीमा हामफालेकी मगरलाई साँझ करिब ६ बजे पिपलबोट युवा क्लबका सल्लाहकार सन्दीप गुरुङसहितका युवाले देखेर सकुशल उद्धार गरेका थिए ।

तर युवाहरुले आफ्नो ज्यानको बाजी राखेर उद्धार गरेकी तिनै महिलाले घटनाको ३ दिन पछाडि पुनः शुक्रबार नदीमा हाम फालेकी थिइन् ।

नदीमा हाम फालेर वेपत्ता भएकी मगरको खोजतलाश गर्ने क्रममा शुक्रवार करिव १ सय ५० मिटर तल नदि किनारमा शव भेटिएको गण्डकी प्रदेश प्रहरी कार्यालयका पोखराका प्रहरी नायव उपरीक्षक राजेन्द्र बाबु रेग्मीले जानकारी दिए ।

घटनाका विषयमा अनुसन्धान भइरहेको प्रहरीले जनाएको छ ।

सम्बन्धित न्यूज

Leave a Reply

Your email address will not be published. Required fields are marked *

Back to top button