पोखरा । कास्कीमा शनिबार ट्याक्टर दुर्घटना हुँदा ७ जना घाइते भएका छन् ।
शनिवार बिहान ७ :३० बजे रुपा गाउँपालिका-५ देउरालीबाट पोखरा तर्फ आउदै गरेको ग १ त ४१७२ नं. को ट्याक्टर दुर्घटना हुँदा चालकसहित ट्याक्टरमा सवार ७ जना घाइते भएको प्रहरीले जनाएको छ ।
दुर्घटनामा ट्याक्टर चालक मादी गाउँपालिका-८ भगवतिटार का २२ बर्षीय लक्ष्मण बि.क., १९ बर्षीय हस्त बहादुर बुढामगर, पोखरा -३२ राजचौतारा की ३० बर्षीया कोपिला सुनार, ४ बर्षीया बालिका जोशिका सुनार, ९ बर्षीय दिपेश सुनार, पोखरा-३२ बुढिबजार की ४९ बर्षीया बुद्धिमाया सुनार र ५५ बर्षीय विर बहादुर मगर घाइते भएका छन् ।
घाइते सबैको अहिले मणिपाल शिक्षण अस्पतालमा उपचार भइरहेको गण्डकी प्रदेश प्रहरी कार्यालय पोखराका प्रहरी नायव उपरीक्षक राजेन्द्र वावु रेग्मीले जानकारी दिए ।
रेग्मीका अनुसार घाइते मध्ये कोपिला र विर बहादुरको अवस्था मध्यम रहेको छ भने अन्यको अवस्था सामान्य रहेको छ । ट्याक्टर आफैं अनियन्त्रित भइ सडकबाट अन्दाजी १ सय मिटर तल खसेको बताइएको छ ।